گاڤ

 پۆلیسێن هەولێرێ گرتنا تۆمەتبارەکێ راگەهاند، کو خو ب عنتەر ناڤکربوو گەف ل ژمارەکا مالان کربوون.

رێڤەبەرییا پۆلیسێن هەولێرێ راگەهاند؛ تیمێن وان تۆمەتبارەک ب ناڤێ (ا.خ.ج) دەستەسەرکر کو خۆ ب عنتەر ب ناڤدکر و ئاشکرا کر: ئەو تۆمەتبارە ب رەگەز عەرەبە پێشتر فەرمانا دەستەسەرکرنێ هەبوو بەری نۆکە ئاوارەیەکێ عەرەب ل کۆمەلگەها کانی قرژالێ ل سنۆرێ پارێزگەها هەولێرێ بریندارکربوو گەف ژی ل ژمارەکا مالان کربوون.

دا زانین ژی: پشتی ئەنجامدانا تاوانێ، تۆمەتبار رەڤیبوو موسلێ و د سوشیال میدیایێ دا ب چەکی خو نمایش دکر و گەف ل خەلکی دکرن و پشتی زڤرییە هەرێمێ و پشتی کۆمکرنا زانیارییان شیان دەستەسەر بکەن.