بۆچى بڕیارا قه‌ره‌بۆكرنا ئه‌نفالكرییان ناهێته بجهئینان؟
بەلاڤ بکە
گاڤ
رێڤه‌به‌رێ گشتیێ شه‌هید و ئه‌نفالكریێن ئیداره‌یا سه‌ربه‌خۆیا سۆران راگه‌هاند: بڕیارا دادگه‌هێ بۆ قه‌ره‌بۆكرنا بارزانیان هه‌یه، لێ حكومه‌تا فیدرالى پێگیرى بڕیارێ نینه.
كه‌ریم كاوه، رێڤه‌به‌رێ گشتیێ شه‌هید و ئه‌نفالكریان ل ئیداره‌یا سه‌ربه‌خۆیا سۆران بۆ مالپه‌رێ پارتى یێ فه‌رمی راگه‌هاند: چار كه‌یسان بڕیارا دویماهیێ یا دادگه‌ها بلند یا تاوانان هه‌یه ژ وان، كه‌یسا بارزانیان، فه‌یلیان، گه‌رمیان، حه‌له‌بچه، هه‌رچه‌نده ژ لایێ په‌رله‌مانێ ئیراقێ ڤه بڕیار هاتیه په‌سه‌ندكرن، لێ تا نها ژى حكومه‌تا ئیراقێ ئاماده نینه بچیته ژێر بڕیارا قه‌ره‌بۆكرنا كه‌سوكارێن ئه‌نفالكریان، ژوان ژى بارزانیان.
رێڤه‌به‌رێ گشتیسێ شه‌هید و ئه‌نفالكریێن سۆران راگه‌هاند ژى: ژ بلى بڕیارا دادگه‌هێ د ده‌ستورێ ئیراقێ دا ژى ئاماژه ب قه‌ره‌بۆكرنا كه‌سوكارێن زیانڤێكه‌ڤتیێن سه‌رده‌مێ رژێما به‌عسى هاتیه كرن، ژ رویێ یاسایى و ده‌ستوورى مافێ كه‌سوكارێن شه‌هیدانه مفایی ژ بڕیارا قه‌ره‌بۆكرنێ ببینن.
هه‌روه‌سا كه‌ریم كاوه گۆت ژى: ئه‌م وه‌ك وه‌زاره‌تا شه‌هید و ئه‌نفالكریان و سه‌رۆكێ حكومه‌تا هه‌رێما كوردستانێ ژى، به‌رده‌وام بزاڤێ دكه‌ین قه‌ره‌بۆیا كه‌سوكارێن قوربانیان بكه‌ین، و دێ د به‌رده‌وام ژى بین تا دگه‌هنه مافێن خۆ.
