کەسێن شوققە وەرگرتین دڤێت د 10 رۆژێن بهێن دا خانیێن خۆ یێن ل سەر رویبارێ هشکەرووى چوول بکەن

بەلاڤ بکە

گاڤ – تایبەت
حکومەتێ دویماهى ژڤان دا ئەو کەسێن شوققە وەرگرتین کو د دەهـ رۆژان دا مالێن خۆ یێن ل سەر رویبارێ هشکەرووى چوول بکەن، ل گۆرەى زانیاریێن گاڤ، دێ دەست ب چێکرنا رویبارێ هشکەرووى هێتەکرن.
یاسر عەبدولرەحمان، پەیامنێرێ گاڤ راگەهاند: ئەڤرۆ بۆ جارا دویماهیێ حکومەتا دهۆکێ 10 رۆژێن دى وەکى دویماهى ژڤان دا وى خەلکى ژ پێش زیانێن لەهییێن ئەڤ سالە شووقە وەرگرتین، داکو خانییێن خۆ یێن ل سەر رویبارێ هشکەرووى چوول بکەن.
ل گۆرەى زانیاریێن گاڤ، دێ دەست ب بەرفرەهکرن و سندۆقکرنا رویبارێ هشکەرووى هێتەکرن، داکو ئێدى ل وەرزێ باران بارینێ لەهى دروست نەبن و زیان نەگەهیتە وەلاتییان.
ل 19ى ئادارا ئەڤ سالە، ل ژمارەکا تاخێن دهۆکێ یێن ل سەر رویبارێ هشکەرووى لەهى دروستبوون و زیان گەهشتنە ب سەدان مالان و ل سەر فەرمانا سەرۆک مەسعوود بارزانى، هەمى ئەو کەسێن زیان گەهشتینە مالێن وان، ب شوققەیان هاتنە قەرەبووکرن.

 

زێدەتر دەربارەی