گاڤ

ئەرەبستانا سعوودیێ دێ مێهڤاندارییا مۆندیالا 2034ێ کەت و ئەو وەلاتە دێ 15 یاریگەهان بەرهەڤ کەت ئێک ژ ئەوان یاریگەهان جهێ 92 هزار پشتەڤانان تێدا هەیە.

فیدراسیۆنا تەپاپێ یا جیهانێ فیفایێ، ب ئاوایەکێ فەرمی مێهڤاندارییا سعوودیێ بۆ مۆندیالا سالا 2034ێ ئاشکرا کر و ئەوی وەلاتی ژی دۆسەیا قارەمانییێ رادەستی فیفایێ کر و بریارە ل پێنج باژارێن جودا یاری بهێن کرن.

یاریێن مۆندیالێ دێ ل 15 یاریگەهێن جودا هێن کرن 11 ژ ئەوان دێ هێنە نووی کرن و دێ بنە پشکەک پرۆژێ بەرهەڤیێن مۆندیالێ، ئێک ژ ئەوان یاریگەهان دێ یاریگەها شاهـ سەلمان بیت کو جهێ 92 هزار پشتەڤانان دێ تێد هەبیت کو بریارە یاریێن دەستپێک و دۆماهییی یێن مۆندیالیێ تێدا بهێن کرن.

چاڤەرێیە سعوودییە ببیتە ئێکەم وەلات د دیرۆکێ دا مۆندیالەکا 48 هەلبژارتی ب تنێ ب رێڤە ببەت، ل دەمەکی بریارە مۆندیالا 2026ێ ل سێ وەلاتێن جودا بهێت کرن یا 2030ێ ژی دێ شەش وەلات مێهڤانداریێ کەن.