د چارچووڤێ دویڤچوونا دزیا چەرخی دا دەست ب سەر هزاران پارچه‌یێن ئه‌رد و شوینواران، زێر و ملیارێن پارەیی دا هاتیە گرتن
بەلاڤ بکە
گاڤ - تایبەت
ئه‌ندامه‌كێ لژنه‌یا ده‌ستپاكیێ كو ئه‌ندامێ لژنه‌یا دیفچوونا دزییا چه‌رخى یه بۆ گاڤ راگه‌هاند: ده‌ست ب سه‌ر ب هزاران پارچه‌یێن ئه‌رد و شوینواران، كیلۆیێن زێڕى و ملیارێن پاره‌یى دا هاتییه گرتن و تاوانبارێن ره‌ڤین ژى ل وه‌لاتان هاتینه ده‌سته‌سه‌ركرن و دێ رادەستى ئیراقێ هێنه‌کرن.
خالد رێكانى، ئه‌ندامێ لژنه‌یا ده‌ستپاكیێ ل جڤاتا نوینه‌رێن ئیراقێ و ئه‌ندامێ لژنه‌یا دیفچوونا مه‌زنترین دزیا چه‌رخى بۆ گاڤ گۆت: حكومه‌تا هه‌رێما كوردستانێ و ب تایبه‌ت ژى وه‌زاره‌تا ناڤخۆ رۆله‌كێ سه‌ره‌كى بۆ دیاركرنا گه‌نده‌ل و دزیكه‌رێن مه‌زنترین دزیا چه‌رخى ل ئیراقێ هه‌بوو.
هه‌روه‌سا گۆت: 5 كۆمپانیێن زه‌به‌لاح هاتینه دائێخستن كو د وه‌همى بوون و كارێ وان هه‌مى سه‌خته و سه‌خته‌كارى بوو.
ب گۆتنا رێکانى، ده‌ست ب سه‌ر هزاران پارچه‌یێن ئه‌ردى و ب سه‌دان كیلۆیێن زێڕى و ملیارێن پاره‌یان دا هاتییه گرتن.
رێكانى دازانین قه‌بارێ دزییا چه‌رخى پترى دو تڕلییۆن و 500 ملیار دینارێن ئیراقى یه و دبیته مه‌زنترین دزى د ڤى چه‌رخى دا هاتبیتەکرن.
