تەرمێن 13 کۆچبەران دێ ژ ئیتالیا بۆ هەولێرێ هێنە ڤەگوهاستن
08/02/2024 - 10:38
بەلاڤ بکە
گاڤ
ئەڤرۆ دێ تەرمێن سێزدە کۆچبەران ژ ئیتالیا بۆ هەرێما کوردستانێ هێنە هنارتن کو هەشت ژ وان خەلکێ هەرێما کوردستانێ بوون.
ل هەڤدەی خزیرانا ئەڤ سالە، بەلەمەکا کۆچبەران کو ب دەهان کۆچبەر تێدابوون، ل کنارێن ئیتالیا نقۆم ببوو، ژمارەکا کۆچبەرێن د وێ بەلەمێ دا، کوردبوون، لەورا هەر ل وی دەمی، حکومەتا هەرێما کوردستانێ شاندەک هنارتبوو ئیتالیا داکو دویڤچوونا بابەتی بکەت و هاریکارییێ د ڤەگەڕاندنا تەرمان دا بکەت.
ل سەر راسپاردەیا مەسروور بارزانی، سەرۆکێ حکومەتا هەرێما کوردستانێ، ئەڤرۆ دێ تەرمێن سێزدە ژ وان کۆچبەران کو هەشت خەلکێ هەرێما کوردستانێ نە و پێنجێن دی خەلکێ رۆژهەلاتا کوردستانێ نە، ژ ئیتالیا بۆ هەولێرێ هێنە ڤەگەڕاندن.
