گاڤ

ژڤانێ دو یارییێن هەلبژارتییێ ئیراقێ د چارچووڤەیێ ڤاڤارتنێن جاما جیهانی دا هاتە دیارکرن، یارییەک دێ ل ئیراقێ بیت و یا دی ل کۆریا باشۆر.

ئێکەتییا تەپا پێی یا نێڤدەولەتی فیفایێ ژڤانێ یارییێن گەڕێن سێیێ و چارێ ژ ڤاڤارتنێن جاما جیهانی یا تەپا پێی دیار کر و ل گۆرەی فیفایێ، هەلبژارتییێ ئیراقێ دێ د یارییا گەرا سێیێ دا ل دەهی مەها چریا ئێکێ یا ئەڤ سالە ل یاریگەها بەسرە یارییێ ل گەل هەلبژارتییێ فەلەستینێ کەت.

د یارییێن گەڕا چارێ دا کو دێ ل پازدەی مەها چریا ئێکێ یا ئەڤ سالە هێنە کرن، ئیراق دێ ل کۆریا باشۆر یارییێ ل گەل هەلبژارتییێ کۆریا باشۆر کەت.

ئەڤ قووناغا ڤاڤارتنێن جاما جیهانی بۆ هەلبژارتییێن کیشوەرێ ئاسیا، قووناغەکا ئێکلاکەرە، سێ گرۆپێن هەلبژارتییان هەنە کو د هەر گرۆپەکی دا شەش هەلبژارتی هەنە و ژ هەر گرۆپەکی دو هەلبژارتییێن ل رێزێن ئێکێ و دویێ دهێن، ئێکسەر دچنە جاما جیهانی.