گاڤ
د حاله‌ته‌كێ سه‌یر و سه‌ مه‌ر و ده‌گمه‌ندا ل ئیراقێ زارۆكه‌ك ب دو سه‌را د ئێك له‌ش دا ژدایك دبیت، و نوكه‌ ساخله‌میا وى یا جێگیره‌ و ل ژێر چاڤدێرییا چر یا نوشداران دایه‌.
 وه‌زاره‌تا ساخله‌میا ئیراقێ د راگەهاندنەکێ دا دیارکریە: ل نه‌خۆشخانه‌یا گشتی یا قائیم ل پارێزگه‌ها ئه‌نبار پێشوازى ل ژنه‌كا ب دوگیان هاته‌ كرن كو ژانێن زارۆكبوونێ لده‌ڤ هه‌بوون، پشتى ئه‌نجامدانا پشكنیان ژلایێ نوشدارانڤه‌، ئه‌و ژنە بۆ هۆلا نشته‌رگه‌رییان هاته‌ ڤه‌گوهاستن، پشتى نشته‌گه‌رییا قه‌سته‌رێ بۆ هاته‌ كرن، بۆ وان دیاربوو زارۆكێ ژ دایك بووى ئێك ژحاله‌تێن ده‌گمه‌نە لسه‌رانسه‌رى جهانێ كو به‌ر نیاسه‌ (بپێرۆپێگس دایسەفلس)  واته‌ ژ دایكبوونا زارۆكه‌كى خودان دو سه‌ر دئێك له‌ش دا.
هەروەسا  دایه‌ دیاركرن ژى کو نوكه‌ ئه‌و زارۆكه‌ بۆ هۆلا زارۆكێ پێشوه‌خت ژدایك بووى هاتیه‌ فه‌گوهاستن‌ داكو چاڤدێرییا پێتڤى بۆ بهێته‌ كرن و ساخلەمیا وی یا باشه‌.