گاڤ

پۆلیسێن كینیا راگه‌هاند، ئاگر به‌ربوویه‌ قوتابخانه‌یه‌كا وه‌لاتێ وان و ب كێمى 17 قوتابییان ژیانا خۆ ژ ده‌ستدایه‌ و پێشبینیا زێده‌بوونا هه‌ژمارا قوربانییان كر.

ل سالێن 2001 و 2017ێ ژى ئاگر به‌ربوویه‌ قوتابخانه‌یان و د هه‌ر دو روودانان دا نێزیكى 80 كه‌سان ژیانا خۆ ژ ده‌ستدابوون و ده‌هان قوتابى ژى بریندار بوون.

ئه‌ڤرۆ ئه‌ینیێ 6-9-2024ێ پۆلیسێنن كینا د راگه‌هاندنه‌كێ دا دیاركریه‌، ئاگر به‌ربوویه‌ قوتابخانه‌یا هێلساید ئیندارشا كو قوتابخانه‌یه‌كا سه‌ره‌تایى یه‌ و د كه‌ڤیته‌ ناوچه‌یا بییارى ل ناڤه‌ڕاستا كینیا.

پۆلیسان دیاركریه‌، د ئاگربه‌ربوونێ دا 17 قوتابییان ژیانا خۆ ژ ده‌ستدایه‌ و ده‌هان قوتابى بریندار بووینه‌ و ژبه‌ر ڤێ یه‌كێ پێشبینیكریه‌ هه‌ژمارا قوربانییان زێده‌تر ببیت.

ویلیه‌م رۆتۆ، سه‌رۆكێ كینیا د راگه‌هاندنه‌كێ دا روودانا ئاگرى ب كاره‌ساتبار ناڤكر و ئاشكراكر، دڤێت ب زووترین ده‌م لێكۆلین بهێته‌كرن.