گاڤ – تایبه‌ت

رێڤه‌به‌رێ بازرگانییا ده‌خلودانى ل پارێزگه‌ها دهۆكێ بۆ گاڤ راگه‌هاند، 35 ملیار و 541 ملیۆن دینار یێ گه‌نمێ جۆتیارێن دهۆكێ هاتنه‌ خه‌رجكرن.

نازم محه‌مه‌د، رێڤه‌به‌رێ بازرگانییا ده‌خولدانى ل دهۆكێ بۆ گاڤ گۆت: 150 ملیار دینارێن پاره‌یێ گه‌نمێ جۆتیارێن هه‌رێما كوردستانێ ژ ئالیێ به‌غدایێ ڤه‌ هاته‌ خه‌رجكرن و 35 ملیار و 541 ملیۆن دینار ژ وى پاره‌یى یێ جۆتیارێن دهۆكێ نه‌.

هه‌روه‌سا ئاشكراكر، 47 ملیار و 373 ملیۆن یین گه‌نمێ جۆتیارێن هه‌ولێرێ و 67 ملیار و 84 ملیۆن دیننار ژى یێن پارێزگه‌ها سلێمانیێ نه‌.

رێڤه‌به‌رێ بازرگانییا ده‌خلودانى ل دهۆكێ زێده‌تر گۆت: ڤێ حه‌فتیێ چه‌ك دێ گه‌هینیت و حه‌فتیا بهێت پاره‌ دێ ب سه‌ر جۆتیاران دا هێته‌ به‌لاڤكرن.

نازم محه‌مه‌د هه‌روه‌سا ئاشكراكر، 57 ملیار و 665 ملیۆن دینارێن جۆتیارێن پارێزگه‌ها دهۆكێ هێشتا ماینه‌ و ل گه‌ل گه‌هشتنا وان دێ ب سه‌ر جۆتیاران دا هێته‌ به‌لاڤكرن.