گاڤ

ئەڤ شەڤە کۆمپانییا ئەپل دێ ئایفۆن 16 و زنجیرەیەکا دەمژمێرێن ژیر نیشان دەت و بها و تایبەتمەندییێن وان راگەهینیت.

ئەڤ شەڤە ل دەمژمێر 8:00 ب دەمێ هەرێما کوردستانێ کۆمپانییا ئەپل دێ ئایفۆن 16 و چەندین دەمژمێرێن ژیر نیشان دەت و د نیشاندانا وان دا دێ بها و تایبەتمەندییێن وان و هەروەسا ئەو گوهۆڕینێن د شێوە و ناڤەرۆکا وان دا هاتینە کرن، ئاشکرا کەت.

هندەک ژ وان گوهۆڕینێن دهێنە پێشبینیکرن د ئایفۆنا نوی دا، زێدەکرنا دوکمەیەکێ یە د بن دوکمەیا پاوەری دا کو ل دەما بکارئینەر دەستێ خۆ ددانیە سەر وێ دوکمێ، وێنەیێن سێلفی بهێنە گرتن و ل دەما تبلا خۆ د سەر وێ دوکمێ را دخشینیت، زۆم ئین و زۆم ئاوت ببیت.

هەروەسا کۆمپانییا ئەپل د ئایفۆنا نوی دا، ژبلی تایبەتمەندییا ژیرییا دەستکرد یا ئۆپن ئەی ئای، دێ خزمەتگۆزارییێن ژیرییا دەستکرد یا چەت جی پی تی ژی زێدەکەت.

چەندین گوهۆڕینێن دی د ئایفۆن 16ێ و دەمژمێرێ ئەپل دا هەنە، لێ کۆمپانی ئەڤ شەڤە ب فەرمی دێ وان هەمی گوهۆڕینان ئاشکرا کەت.