هەولێر و بەغدا ل سەر ژمارەکا خالان رێککەفتن
بەلاڤ بکە
گاڤ
ئەڤرۆ شانکا جڤاتا وەزیران یا ئیراقێ بۆ کاروبارێن ئابۆری ب سەرپەرشتیا د. فوئاد حسێن ل گەل حکومەتا هەرێما کوردستانێ کۆمبوو و ل سەر ژمارەکا خالان رێککەفتن.
ل گۆرەی زانیاریان، هەردو حکومەت ل سەر ڤان خالان رێککەفتینە:
چارەکرنا کێشەیا مووچەیی و خەرجکرنا مووچەیێ هەیڤا هەشت، تا دویماهیا ڤێ حەفتیێ دێ لیستا مووچەیی یان هەیڤا هەشت بۆ بەغدا هێتە هنارتن و ل گۆرەی هویربینیا لیستا هەیڤا پێشتر دێ مووچەیێ هەیڤا هەشت هێتە هنارتن.
لژنەیەکا هەڤپشک دێ هێتە پێکئینان بۆ لادانا زالگەهێن گۆمرکی د ناڤبەرا باژێرێن هەرێما کوردستانێ و ئیراقێ دا و بریارە ل حەفتیا بهێت دەست ب لادانا هەمی زالگەهان بهێتەکرن.
بریار هاتەدان کۆمپانیێن هەرێما کوردستانێ و ئیراقێ باجێ بتنێ بدەنە حکومەتەکێ.
کێشەیێن وەبەرهێنانێ یێن هەرێما کوردستانێ و ئیراقێ دەربارەی پرۆژەیێن وەبەرهێنانێ و موولەتێ بهێنە چارەکرن، بریار هاتەدان ل حەفتیا بهێت شاندەکا دەستەیا وەبەرهێنانێ یا هەرێمێ بچیتە بەغدا.
