گاڤ

ئیراقێ داخستنا 77 بارەگەهێن سەربازی یێن پارتییێن رۆژهەلاتێ کوردستانێ ل هەرێما کوردستانێ راگەهاند و ئاشکرا کر: چەکێ وان رادەستی هێزێن پێشمەرگەی هاتییە کرن.

تەلەڤزیۆنا فەرمی یا ئیرانێ ئەڤرۆ دیدارەکا قاسم ئەعرەجی، شیرەتکارێ ئاساییشا نشتیمانی یا ئیراقێ بەلاڤ کر و د وێ دیدارێ دا ئەعرەجی دبێژیت: ئیراقێ 77 بارەگەهێن پارتییێن کوردی یێن ئۆپۆزسیۆنا ئیرانێ ل هەرێما کوردستانێ داخستینە و ئەو بارەگەهـ ل دەڤەرێن سنۆری یێن د ناڤبەرا هەرێما کوردستانێ و ئیرانێ دابوون.

ئەعرەجی دەربارەی چەکێ وان هێزان گۆت: وان ئەو چەک رادەستی هێزێن پێشمەرگەی کرییە و نوکە ئەندامێن وان پارتییێن ئۆپۆزسیۆنا ئیرانی د 6 کەمپان دا هاتینە ئاکنجیکرن، 4 ژ وان کەمپان ل هەولێرێ نە و 2 ل سلێمانییێ نە، لێ ئەو کەمپ ددەمکی نە، ژبەر کو ئەو ل گەل نەتەوەیێن ئێکگرتی د پەیوەندییان دانە کو بۆ وەلاتەکێ دی بهێنە ڤەگوهاستن.