ل دهۆکێ خواست ل سەر خوارنا ماسیان زێدەبوویە و گازندە ژ بها و کوالیتییا وان دهێنەکرن
09/10/2024 - 23:07
بەلاڤ بکە
گاڤ
بازارێ گۆشتێ ماسیان ل پارێزگەها دهۆکێ گەرمبوویە و ل بازاری ب بها و کوالیتیێن جودا دهێتە فرۆتن لێ گازندە ژ بها و کوالیتییا وان دهێتەکرن. د راپۆرتەکێ دا گاڤ دویڤچوونا ڤی بابەتی کریە و تێدا دیاربوویە رۆژانە ب هزاران کیلۆیێن ماسیان ژ جهێن جودا جودا یێن هەرێمێ و دەرڤە دهێنە دناڤا بازارێن پارێزگەها دهۆکێ دا.
رێدیر سدقی، رێڤەبەرێ سامنێن ئاژەلی بۆ گاڤ دبێژیت پارێزگەها دهۆکێ سالانە نزیکی 4000 تەنێن ماسیا بەرهەم دئینیت و وان ب هەڤپشکییا دەڤەردارییا دهۆکێ لیژنە بۆ دویڤچوونا بها و کوالیتیا ماسیان پێکئیناینە و دێ پێرابوونێن یاسایی بەرانبەری وان جهێن کو سەرپێچیێ دکەن هێنە وەرگرتن و هەر جهـ و لایەنەکێ پێگر نەبیت دێ هێتە سزادان.
