كارزان غازی

هاتنا مەسعوود پزیشكیان بۆ ئیراقێ ل دویڤ دا کۆمبوونێن وی ل گەل رێزدار جەنابێ سەروك بارزانی و سەروكێ هەرێمێ كاك نێچیرڤان بارزانی گرنگی و تایبەندمەندیا خۆ یا هەیی، نوکە نەبتنێ ئەمریکا، بەلكو بەرژەوەندیا ئیرانێ ژی هەمان تەوەرە كو هەرێم و پایتەخت جهەكێ ئێمن بیت، چونكی ئەم هەمی باش دزانین کوردستان وەکی خالەکا چارەنڤیسازە ژبۆ گەنگەشەکرن و حەلکرنا ناکوکیێن سیاسی یێن وەلاتێن دەرڤە و ئيراق و د ناڤبەرا شیعە و سوونەیان دا  و گرنگیا هزرا سیاسی و  دپلوماسیەتا سەرۆک نێچیرڤان بارزانی د گەنگەشەكرنا بابەتان دا، هویری و تێگەهشتنا وی تاكە ئەگەرە هەم عەرەبێن سوونە و شیعە، هەم ئیران و ئەمریكا بۆ رابەرایەتیكرنا ئاشتی و سەقامگیریا ناوچێ بەردەوام لێ بزڤرن. هاتنا پزیشكیان بۆ دەف جەنابێ سەروك بارزانی دوبارە پشتراستكردنا وێ حەقیقەتێ یە كو جەنابێ سەروك بارزانی بتنێ ئاخفتن نینە، بەلكو واقعەكێ شەفافە كو رابەرێ نەتەوا كوردە، جەنابێ سەروك بارزانی تاكە شەخسە كو د ناوچێ دا چ بۆ حزبێن كوردی و چ بۆ ئیراقێ هێزەکا تایبەت هەیە ل چارەسەركرنا كێشەیێن هەیی و كێشێن کویرتر.

‏‎ئەوا ل سەر سەرۆک نێچیرڤان بارزانی وەك سەروکێ هەرێمێ ئەوە سەرەدانێن چر یێن لایەنێن سیاسی بکەت و هاتنا پزیشكیان هاتنەکا سادە نینە، بەلكو نویبوونەڤەیا دەرگەهێن گفتۆگوکرنێ زێدەتریا هەرێمێ بسەر وەلاتێن دیدا كوماوەیەكێ درێژە دەرگەهێن گفتوگویان كۆمبوونێن سیاسی تا رادەیەكێ سەبارەت هەرێم كێم ببوو ، بەلێ ئەڤ ڤەکرن یا  پێدڤی یە سەبارەت ب ئابۆری و سەقامگیریا هەرێمی و خۆپاراستن ژ جەنگێ زلهێزێن چواردەوروبەر و ئەمریكا ،كو نوكە ل هەرێمێ دایە و هەیمەنەیا ئێرانێ ژی بسەر ئیراقێ، ئەڤ دو هەڤرکیێنیە د ناوچێ دا پێدڤیە هەرێما كوردستانێ خالا گفتوگۆیا هەردو لایان بیت، نەك ساحەیا جەنگی، سەرۆک نێچیرڤان بارزانی شیانێن ئەوێ گاڤێ هەنە لایەنێن سیاسی بۆ ئاشتی و ئاشتكردنێ کۆم بکەت، چونكی ل مێژوویا ڤێ ئاخێ هەمی دەما جەنگێ وەلاتان د ڤێ ئاخێ دا بوو، بەلێ پێدڤیە هەمی لایەن د هاریکاربن ئەڤ جارە مێژوو دوبارە نەبیتەڤە، بەلكو  جهەکێ ئەمان و كەشەکێ ئاشتیێ دروست بكەن، هیچ گۆمانەك من نینە کو سەرۆک نێچیرڤان نێچیرڤان بارزانی شیانێن دروستكرنا ژینگەهەکا ب ڤی رەنگی دروست بکەت.