گاڤ

بریاربوو کرستیانۆ رۆنالدۆ بۆ یارییا ئەڤرۆ یا د ناڤبەرا یانەیا نەسر یا سعوودی و یانەیا شورتە یا ئیراقی دا بهێتە ئیراقێ، لێ کرستیانۆ ئامادەی ڤێ یارییێ نابیت.

ئەڤرۆ د چارچووڤەیێ خۆلا قەهرەمانێن ئاسیا دا، یانەیا شورتە یا ئیراقی دێ مێهڤاندارییا یانەیا نەسر یا سعوودی کەت، یاری ل دەمژمێر 7:00ی مەغرەب دێ ل بەغدایێ هێتە کرن.

یانەیا نەسر یا سعوودی د بەیانەکێ دا راگەهاند: کرستیانۆ رۆنالدۆ، کاپتنێ ئێکێ یێ یانەیا نەسر تووشی نەخۆشییێ بوویە (نەخۆشییەکا ڤایرۆسی) و ژ ئەگەرێ وێ نەخۆشییێ نەشێتە بهێتە ئیراقێ و پشتی بۆچوونا تیما ساخلەمییێ یا یانەیێ هاتییە وەرگرتن، وەسا پێ باشتربوو ل یارییا بەرانبەر شورتە ئامادە نەبیت.

دەما چەندین رۆژانە نووچەیێ هاتنا کرستیانۆ رۆنالدۆی بۆ ئیراقێ بوویە بابەتەکێ گەرم یێ مەدیا ئیراقی و جەماوەرێ ئیراقی ب رەنگەکێ بەرفرەهـ پلێتێن یارییێ کریبوون ب رەنگەکی کو د بازاڕێن رەش دا بهایێ ئێک پلێتا یارییا شورتە و نەسر گەهشتبوو 200 هزار دینارێن ئیراقی.