گاڤ

حۆسییێن یەمەنێ ب مۆشەکەکا دویرمەودا ئسرائیل کرە ئارمانج و ل گۆرەی ئامارێن دەستپێکی، نێزیکی 10 کەسان برینداربووینە.

ل گۆرەی مەدیایێن یەمەنی، ئیرانی و مەدیایێن نێزیکی هندەک ئالییێن شیعی یێن ئیراقی، ئەڤرۆ سپێدێ حۆسییێن یەمەنێ ب مۆشەکەکا دویرمەودا سیستەمێن بەرگرییا ئاسمانی یێن ئسرائیلێ بەزاندن و مۆشەک ب دەڤەرەکا تەلئەڤیڤێ کەفت.

ل گۆرەی چەندین ڤیدیۆیان، زەنگێن هوشدارییێ ل چەندین دەڤەرێن ئسرائیلێ هاتینە لێدان و ل گۆرەی ئامارێن دەستپێکی یێن ژ ئالییێ ئسرائیلێ ڤە هاتینە راگەهاندن، ژ ئەگەرێ وێ مۆشەکێ ب کێماتی 9 کەس بۆ نەخۆشخانەیان هاتینە ڤەگوهاستن.

پشتی وێ هێرشا یەمەنێ ب دەمەکی، حزبوللایا لبنانی ژی ب 30 مۆشەکان هێرش کرە باکۆرێ ئسرائیلێ و تا نوکە دیار نینە زیانێن وان مۆشەکان چ بووینە.