نەتەنیاهۆ دێ سەرەدانا ئەمریکا کەت
09/15/2024 - 17:56
بەلاڤ بکە
گاڤ
سەرۆکوەزیرێ ئسرائیلێ ل دوماهی حەفتیا ڤێ مەهێ دێ سەرەدانا ئەمریکا کەت و پشکداریێ د کۆمبوونا کۆمکارا گشتییا نەتەوەیێن ئێگرتی دا کەت.
ئۆفیسا بنیامێن نەتەنیاهۆ، سەرۆکوەزیرێ ئسرائیلی بەلاڤکر، ل 24ێ ڤێ مەهێ ب مەرەما پشکداریێ د کۆمبوونا کۆمکارا گشتیا نەتەوەیێن ئێگرتی دا نەتەنیاهۆ دێ سەرەدانا ئەمریکا کەت و بریارە د ئێکەم رۆژا کۆمبوونێ دا دانوستاندنێن سەر ئاستێ بلند بهێنە کرن.
ئۆفیسا سەرۆکوەزیرێ ئسرائیلی دا زانین: نەتەنیاهۆ تا 28ێ ڤێ مەهێ دی ل ئەمریکا مینیت کو ب هەڤپەیمانەکا سەرەکی یا ئسرائیلێ د هێتە نیاسین.
ل مەها تیرمەها ئەڤ سالە ژی نەتەنیاهۆی سەرەدانا ئەمریکا کربوو و ژمارەکا دانوستاندنێن فەرمی کربوون و پەیامەک ژی ل کۆنگرێسێ ئەمریکا خاندبوو.
