دو کەسێن دی ژی لسەر کەیسا کوشتنا نارینێ هاتن گرتن
09/15/2024 - 17:57
بەلاڤ بکە
گاڤ
لسەر کەیسا کۆشتنا زارۆیا هەشت سالی ل باکۆرێ کوردستانێ، هێزێن ئێمناهی دو کەسێن دی گرتن کو بزاڤ دکرن ئاراستەیێ لێکۆلینان بگۆهرن.
ل گۆرەی مەدیایێن تورکیا، هێزێن ئێمناهیێ ل باژاری ئامەدێ د چارچووڤەیێ لێکۆلینێن کوشتنا نارین گۆرانێ دو کەسێن دی کو ژ مالباتا وێ نێزیکبوون ب تۆمەتا دانا زانیاریێن نە درست ب پۆلیسان ب مەرەما گۆهارتنا راستییان گرتن.
مەدیایێن تورکیا بەلاڤکرن هەر دو تۆمەتبار ئەڤرۆ بۆ ئاسایشا ئامەدێ هاتینە رەوانەکرن و لێپرسین لگەل دا هاتییە دەستپێکرن.
نارین گۆرانا هەشت سالی ل رۆژا 21 مەها بۆری ل دەمێ ڤەگەریانێ ژ کورسێ قورئان خاندنێ بەرزەبوو، پشتی 19 رۆژان تەرمێ وێ ل ناڤا ئاڤەکێ ل نێزیک مالا وێ هاتە دیتن و تا نوکە ب دەهان کەس لسەر کەیسا کۆشتنا وێ هاتینە گرتن و کو دایک و برایەکێ وێ ژی دناڤ دانە.
