گاڤ

بریارە سوبەهی کۆمبوونا ئاسایی یا پەرلەمانێ ئیراقێ دەستپێبکەت و سێ پرۆژەیاسایێن گرنگ بۆ کورد، تورکومان، شیعە و سوونەیان د کارنامەیێ دانە.

د کۆمبوونا سوبەهی دا دێ دەنگدان ل سەر پرۆژەیاسایا ڤەگەراندنا ئەرد و خانیێن کورد و تورکومانان هێتەکرن یێن ل سەردەمێ حکومەتا بەعس ب بریارا جڤاتا سەرکردایەتا شۆرشێ یا وی دەمی ژێ هاتینە وەرگرتن.

هەروەسا هەر د کۆمبوونا سوبەهی دا دێ خواندنا دویێ بۆ هەردو پرۆژەیاسایێن لێبوورینا گشتی و یاسایا بارێ کەسایەتی هێتەکرن.

ئالیێن سوونی و فراکسیۆنێن وان ل پەرلەمانێ ئیراقێ دخوازن یاایا لێبوورینا گشتی بهێتە پەسەندکرن، ژ ئالییێ دی ڤە ژی ئالیێن شیعە دخوازن یاسایا بارێ کەسایەتی بهێتە پەسەندکرن، ئالیێن کورد و تورکومان ژی دێ هەمی بزاڤان کەن یاسایا ڤەگەراندنا ئەرد و خانیێن کورد و تورکومانان بهێتە پەسەندکرن.