گاڤ

بریارە دوسبە ل رۆژا 17/9/2024 پەرلەمانێ ئیراقێ هەموارا یاسایا سازیا شەهیدێن ئیراقێ بکەت، د وێ یاسایێ دا برگەیەک هاتیە زێدەکرن کو شەهیدێن پێشمەرگەیی و هێزێن ئەمنی یێن ل دڤەرێن کوردستانی یێن دەرڤەیی ئیدارا هەرێمێ شەهیدبووین دێ ژێ مفاداربن.

ل گۆرەی یاسایێ، هزار و 285 شەهیدێن هێزێن بەرگری و هەوارهاتن، ئاسایش و هێزێن زێرەڤانی یێن ل دڤەرێن کوردستانی یێن دەرڤەیی ئیدارا هەرێمێ شەهیدبووین دێ ل سازیا شەهیدێن ئیراقێ وەک شەهید هێنە هژمارتن و مووچەیێ وارسێن وان زێدەبیت.

ل گۆرەی یاسایا سازیا شەهیدێن ئیراقێ، کەسوکارێن شەهیدان دێ مووچەیەکێ خانەنشینی هەبیت کو وەکهەڤی مووچەیێ زیندیان بیت و پارچەیەکا ئەردی یان یەکەیەکا ئاکنجیبوونێ دێ پێ هێتە دان، ئەگەر د بەردەست نەبن، دێ پارە پێشڤە پێ هێتە دان.

پشتی هاتنا داعشێ ل سالا 2014، هێزێن پێشمەرگەیی و هێزێن دی یێن ئەمنی ل دەڤەرێن ماددەیێ 140 پشکداری شەرێ دژ داعشێ بوون و ئەو 1285 کەسە ل وان دەڤەران شەهیدبووینە.