یانه‌یا دهۆكێ: ل سه‌ر بڕیارا مه‌سروور بارزانى، سه‌رۆكێ حكومه‌تا هه‌رێمێ فریزیێ یاریگه‌ها دهۆكێ دێ هێته چێكرن
09/21/2024 - 15:14
بەلاڤ بکە
گاڤ
یانه‌یا دهۆكێ رادگه‌هینیت، ل سه‌ر بڕیارا مه‌سروور بارزانى، سه‌رۆكێ حكومه‌تا هه‌رێمێ فریزیێ یاریگه‌ها دهۆكێ دێ هێته چێكرن.
یانه‌یا دهۆكێ راگه‌هاند، ل سه‌ر راسپارده و بڕیارا سه‌رۆكێ حكومه‌تا هه‌رێما كوردستانێ فریزیێ یاریگه‌ها دهۆكێ پشتى یاریا كلاسیكۆیا كوردستانێ د ناڤبه‌را هه‌ولێر و دهۆكێ دا و د ده‌مێ راوه‌ستاندنا خۆلێ دا و د كێمترین ده‌م دا دێ فریزیێ هۆله‌ندى لێ هێته دانان.
هه‌روه‌سا دیاركر، ئه‌و وه‌ك دیاریا سه‌رۆكێ حكومه‌تێ یه بۆ ده‌ستپێكرنا قاره‌مانیا یانه‌یێن كه‌نداڤى، هه‌روه‌سا یانه‌یا دهۆكێ سوپاسییا مه‌سروور بارزانى كر و دیاركریه، هه‌رده‌م هه‌لوه‌ستێن ب ڤى ره‌ننگى ژ وى بۆ خه‌لكێ دهۆكێ د پێشبینیكرى نه.
