گاڤ

ئەڤرۆ دێ پشککێشانا جاما یانەیێن کەنداڤی هێتە کێشان. یانەیا دهۆکێ وەکە نوونەرا ئیراقێ دێ پشکداریێ د قارەمانییێ دا کەت.

بریارە پشککێشان ل دەمژمێر 7:00ێ مەغرەب ب دەما هەرێما کوردستانێ و ب بەرهەڤبوونا د. عەبدوللا جەلال سەرۆکێ یانەیا دهۆکێ ل دەوحەیا پایتەختا قەتەرێ بهێتە کرن، یانەیا دهۆکێ دێ وەکە نوونەرا ئیراقێ پشکداریێ د جاما کەنداڤی یا یانەیێن عەرەبی دا کەت.

‌پشتی نەهـ سالان جارەکادی قارەمانیێ دەستپێکرە ڤە و ئەڤ سالە هەشت یانە دێ هەڤرکییێ لسەر برنا ناسناڤی کەن و دێ ل سەر دو گرۆپان هێتە لێکڤەکرن و یانەیا ببیتە قارەمان دێ 3 ملیۆن دۆلاران وەک خەلات وەرگریت زێدەباری ژمارەکا خەلاتێن دی.