یاریکەرە‌كێ دهۆكێ دبیته سه‌ركه‌فتیێ ئێكێ د قاره‌مانیه‌كا جیهانى دا
بەلاڤ بکە
گاڤ
یاریکەرە‌كێ هۆله‌كا له‌شجوانییا دهۆكێ د قاره‌مانیه‌كا جیهانى یا له‌شجوانیێ دا كو 50 وه‌لات تێدا پشكدار بوون، شییا ببیته سه‌ركه‌فتیێ ئێكێ و 3 هه‌ڤالێن وى ژى مه‌دالیێن سه‌ركه‌فتنێ بده‌ستڤه ئینان.
بۆ ماوه‌یێ 4 رۆژانه ب پشكدارییا 50 وه‌لاتان، قاره‌مانیه‌كا له‌شجوانیێ ل باژێرێ (ئزمیر) ل تركیا هاته كرن، كو یارێزانێن هۆله‌كا له‌شجوانییا دهۆكێ ژى تێدا پشكداربووینه.
نسرەت سه‌یفوللا نێروەیی، خودانێ هۆلێن له‌شجوانیێ یێن هه‌رێم جیم 1 و 2 یه ل دهۆكێ، تایبه‌ت بۆ گاڤ دا زانین، قارمانیا هاتییه كرن، لسه‌ر ئاستێ لەش جوانیا فیزیک و کلاسیک و بودی ڤولدینگێ بوویه، 50 وه‌لات پشكدار ببون، هۆلا وان ژى وه‌كو تیمه‌كا هه‌رێما كوردستانێ پشكداربوو و یاریکەرێن كورد شیان ئاسته‌كێ بلند پێكێش بكه‌ن و هژماره‌كا مه‌دالیێن زێرى، زیڤى و برۆنزى بده‌ستڤه‌ئینان.
نسره‌ت نێره‌وه‌یی دا زانین ژى، یارێزان عمران عه‌بدولمه‌ناف، شیا پلا ئێكێ بده‌ستڤه بینیت و مه‌دالیا زێڕى و باوه‌رناما سه‌ركه‌فتنێ وه‌رگریت، هه‌ر ئێك ژ
محه‌مه‌د یوسف، جاسم محه‌ه‌مد سه‌عید، فه‌واز عه‌بدولـله‌‌تیف ل پله‌یێن دووێ، چارێ و پێنجێ هاتن. یاریکەر بارزان حکمه‌ت ژى شیا ئاستەکێ بلند نیشان بده‌ت و ژناڤ 25 یاریکەران پلا دەهێ بده‌ستڤه‌ئینا.
نێروه‌یی سه‌باره‌ت ب ڤێ سه‌ركه‌فتنێ دیاركر، بۆ ماوه‌یێ 7 هه‌یڤان وى كار لسه‌ر وان یاریکەران كرى یه تا گه‌هاندینه وى ئاستى.
