گاڤ

پشتی هێرشێن ل سەر لبنانێ، رەجەب تەیب ئەردۆغانی پەیامەک بەلاڤکر و تێدا راگەهاند، گەلێ لوبنانێ بوویە ئارمانجا نوی یا سیاسەتێن جیوناسید و داگیرکاری و لەشکەرکێشی یێن ئسرائیلێ و چ خودان وژدان نەشێن ڤێ چەندێ قەبویل بکەن.

سەرۆککۆمارێ تورکیێ رەجەب تەیب ئەردۆغانی د درێژاهیا پەیاما خۆ دا گۆتیە؛ د هێرشێن ل سەر لوبنانێ دا گەلەک وەلاتی و دناڤدا زارۆک هاتینە کوشتن. حکومەتا ئسرائیلێ بێ منەت بوویە ژ بەر کو بەردەوام ژلایێ زلهێزان ڤە پشتەڤانیا چەک و تەقەمەنیان وەردگریت و ب ڤێ چەندێ قەبێ هەمی مرۆڤایەتی و بهایێن مرۆڤایەتی و یاسایا ناڤدەولەتی دخوازیت.

دیسان د پەیاما خۆ دا ئەو ژی دایە دیارکرن کو، پێدڤیە ئێدی ببێژینە ئسرائیلێ 'راوەستە'، پێدڤیە جیهانا ئیسلامی هەلویستەکێ ئێکلاکەر بەرانبەری ڤان هێرشان وەرگریت و ئەم وەک تورکیا دڤان رۆژێن سەخت دا ل گەل وەلاتی و حوکمەتا لوبنانێینە و هێرشێن ئسرائیلێ شەرمزار دکەین.

د چەند رۆژێن دەربازبووی دا ئسرائیلێ هێرشێن خۆ بۆ سەر لوبنانێ بەرفرەهکرینە و ل شەڤا دەربازی د هێرشەکێ دا ئەمیندارێ گشتی یێ حزبوللایا لوبنانی حەسەن نەرسروللا و چەند فەرماندارەکێن دی یێن حزبوللایێ کوشتن و ڤێ چەندێ کارڤەدانێن جیهانی هەبوون.