وه‌زاره‌تا دارایى یا ئیراقێ بۆ گاڤ: ئه‌ڤرۆ ته‌ماما مووچه‌یێ فه‌رمانبه‌ران دێ بۆ هه‌رێما كوردستانێ هێته ره‌وانه‌كرن
09/29/2024 - 09:19
بەلاڤ بکە
گاڤ – تایبه‌ت
ژێده‌ره‌كى ژ وه‌زاره‌تا دارایى یا ئیراقێ بۆ گاڤ راگه‌هاند، ئه‌ڤرۆ ته‌ماما مووچه‌یێ مه‌ها هه‌شت یێ فه‌رمانبه‌رێن هه‌رێما كوردستانێ دێ هێته ره‌وانه‌كرن.
ژێده‌ره‌كى ژ وه‌زاره‌تا دارایى و ئابۆرى و یا حكومه‌تا ئیراقێ بۆ گاڤ گۆت: ئه‌ڤرۆ 29-9-2024ێ ته‌ماما مووچه‌یێ فه‌رمانبه‌رێن هه‌رێما كوردستانێ دێ هێته ره‌وانه‌كرن و حكومه‌تا هه‌رێما كوردستانێ ژى راگه‌هاندییه ل گه‌ل گه‌هشتنا پاره‌یێ مایى دێ ده‌ست ب به‌لاڤكرنا مووچه‌یان هێته‌كرن.
پێنجشه‌مبا بۆرى شاندێ وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، لیستا مووچه‌یێن مه‌ها 8 و 9 بێ كێماسى و ب شێوازێ وه‌زاره‌تا دارایى یا ئیراقێ ڤیایى ره‌وانه‌یى به‌غدایێ كریه.
