گاڤ

حکومەتا فلەستینێ ل کەرتێ غەززە راگەهاند؛ ژ دەستپێکا هێرشین ئسرائیلی یێن بۆ دەما نێزیکی سالەکێ نە ل غەززە بەردەوام، 147 رۆژنامەڤان هاتینە کوشتن.

ل گۆرەی زانیاریێن حکومەتا فلەستینێ ل غەززە، فرۆکەیێن شەرکەرێن ئسرائیلێ ل باژارێ دێر بەلەح ل ناڤەراستا کەرتێ غەززە، مالا کچە رۆژنامەڤانەکێ ب ناڤێ وەفا عەدینی بۆمبەباران کر و د ئەنجام دا هاتە کوشتن.

 دا زانین ژی: کو وێ کچە رۆژنامەڤانێ بۆ ژمارەکا دەزگەهێن میدیایی ب زمانێ ئنگلیزی ل کەرتێ غەززە کار دکر.

حکومەتا فلەستینێ ل کەرتێ غەززە ئاشکرا کر: ژ دەستپێکا هێرشێن ئسرائیلێ بۆ سەر کەرتێ غەززە کو ل 7ێ کانوونا ئێکێ یا سالا 2023یێ دەستپێکربوون، 147 رۆژنامەڤان هاتینە کوشتن.