نەتەوەیێن ئێکگرتی: 100 هزار کەس ژ لبنانێ ئاوارەیی سووریێ بووینە
09/30/2024 - 18:29
بەلاڤ بکە
گاڤ
نەتەوەیێن ئێکگرتی راگەهاند؛ رەڤینا خەلکی ژ بەر هێرشێن ئسرائیلێ بەردەوامە و تا نوکە سەد هزار کەس ژ لبنانێ ئاوارەیی سووریێ بووینە.
نەتەوەیێن ئێکگرتی راگەهاند؛ ژمارا لبنانی و سووریێن ژ بەر هێرشێن فرۆکەیێن شەرکەرێن ئسرائیلێ رەڤین و دەربازی سووریێ بووین گەهشتییە 100 هزار کەسان و بەرپرسێن وان یێن د کاروبارێن پەنابەران دا کاردکەن ل چار خالێن دەربازبوونێ ب هەماهەنگی ل گەل دەستهەلاتدارێن لبنانی و هەیڤا سوورا سووری هاریکاریێ دکەن.
ژ ئالیێ خۆ ڤە نەجیب میقاتی، سەرۆکێ حکومەتا کاربرێکەر یا لبنانی راگەهاند؛ ژ بەر هێرشین ئسرائیلێ نێزیکی نیڤ ملیۆن کەسان ئاوارەبووینە ئەڤ ژمارە بۆ ئێکەم جارە د دیرۆکا لبنانێ دا دهێتە تۆمارکرن.
