گاڤ

کەنال 12 یێ ئسرائیلی راگەهاند؛ د چەندین دەمژمێرێن بهێن دا ئسرائیل دێ هێرشا هشکاتی لسەر لبنانێ دەستپێکەت بەرپرسەکێ ئەمریکی ژی د بێژیت: ئسرائیلێ ئەمریکا لسەر وێ ئۆپەراسیۆنێ هایدار کریە.

ژ ئالیێ خۆ ڤە یواف گالانت، وەزیرێ بەرگرییا ئسرائیلێ ئەڤرۆ دەربارەی شەرێ دژی حزب*و*للا یا لبنانی راگەهاند؛ قۆناغەکا دی یا شەرێ دژی حزب*و*للا ل نێزیک دێ دەستپێکەت.

ئاژانسا رۆیتەر ژی زارێ بەرپرسەکێ ئەمریکی بەلاڤکر، ئسرائیل بەرهەڤیێن ئۆپەراسیونەکا هشکاتی یا سنۆردار بۆ سەر لبنانێ دکەت و ل نێزیک دێ دەستپێکەت و ئسرائیلێ ئەمریکا لسەر وێ ئۆپەراسیۆنێ هایدار کریە.

وی بەرپرسی دا زانین ژی: کو شێوازێ ئۆپەراسیۆنا ئەڤێ جارێ دێ ژ ئوپەراسیۆنا سالا 2006ێ یا ئسرائیلێ ل دژی حزب*و*للا ئەنجام دای جودا بیت و سنۆردارتر بیت ژ بەر کو دێ ئێمناهییا کۆمەلگەهێن ئاکنجیبوونێ یێن نێزیکی سنۆری ل بەر جاڤ وەرگرن.