سه‌رۆكێ هه‌رێما كوردستانێ و بالیۆزێ رۆسیا ل ئیراقێ كۆمبوون
بەلاڤ بکە
گاڤ
سه‌رۆك نێچیرڤان بارزانى و بالیۆزێ رۆسیا ل ئیراق كۆمبوون، په‌یوه‌ندیێن رۆسیا ل گه‌ل ئیراق و هه‌رێما كوردستانێ و په‌یوه‌ندیێن هه‌ولێر و به‌غدایێ و هه‌لبژارتنێن په‌ڕله‌مانێ كوردستانێ به‌حسكرن.
سه‌رۆكایه‌تییا هه‌رێما كوردستانێ ئه‌ڤرۆ سێ شه‌مبیێ 1-10-2024ێ راگه‌هاند، نێچیرڤان بارزانى، سه‌رۆكێ هه‌رێما كوردستانێ ل گه‌ل ئێلبرۆس كۆتراشێڤ، بالیۆزێ رۆۆسیا ل ئیراقێ كۆمبوو، په‌یوه‌ندیێن رۆسیا ل گه‌ل ئیراق و هه‌رێما كوردستانێ، په‌یوه‌ندیێنن هه‌ولێر و به‌غدایێ و هه‌لبژارتنێن په‌ڕله‌مانێ كوردستانێ ئاختن.
هه‌ر دو ئالییان دوپاتى ل گرنگییا هه‌لبژارتنان بۆ هه‌رێما كوردستانێ كر و هیڤییا برێڤه‌چوونا بانگه‌ه‌یه‌كا ئارام و سه‌ركه‌فتى بۆ پرۆسه‌یا ده‌نگدانێ ژى خواست.
هه‌روه‌سا پێشبینى و بۆچوونێن خۆ ژى ل دۆر ئه‌نجامێن هه‌لبژارتنان و پرۆسێسا سیاسى ل هه‌رێمێ دیاركرن.
دوماهى پێشهاتێن شه‌ڕێ ئۆكراینا، ره‌وشا رۆژهه‌لاتا ناڤین، ئه‌گه‌ر و ده‌رئه‌نجام ئالییه‌كێ دى یێ كۆمبوونا وان بوون كو كونسلێ گشتى یێ رۆسیا ل هه‌رێما كوردستانێ ژى ئاماده‌یى كۆمبوونێ بوو.
