گاڤ

سەرۆکێ هەرێما کوردستانێ پیرۆزباهی ل سکرتێرێ گشتی یێ نوی یێ ناتۆیێ کر و هیڤی خواست پێکڤەکارکرنا هەرێما کوردستانێ و ناتۆیێ یا بەردەوام بیت.

نێچیرڤان بارزانی، سەرۆکێ هەرێما کوردستانێ ئەڤرۆ د پەیامەکێ دا پیرۆزباهی ل مارک رۆتە، سەرۆکوەزیرێ پێشتر یێ هۆلەندا کر کو پۆستێ سکرتێرێ گشتی یێ هەڤپەیمانییا باکۆرێ ئەتلەسی ناتۆیێ وەرگرتی.

سەرۆک نێچیرڤان بارزانی د پەیاما خۆ دا هیڤییا سەرکەفتنێ بۆ سکرتێرێ گشتی یێ ناتۆیێ خواست و هیڤی خواست پێکڤەکارکرنا هەرێما کوردستانێ و ناتۆیێ یا بەردەوام بیت.

ئەڤرۆ مارک رۆتە، سەرۆکوەزیرێ پێشتر یێ هۆلەندا وەک سکرتێرێ گشتی یێ ناتۆیێ ل جهێ یەنس ستۆلتەنبێرگی دەستبکاربوو.