حوکمەتا ئیراقێ: رۆژا پێنجشەمبیێ بێهنڤەدانە، لێ ئاهەنگان ناگێرین
بەلاڤ بکە
گاڤ
ب هەلکەفتا جەژنا نیشتیمانی و سەربخۆییا کۆمارا ئیراقێ حکومەتا ئیراقێ بریاردا رۆژا پێنجشەمبیێ بکەتە بێهنڤەدانا فەرمی.
نڤیسینگەها راگەهاندنا سەرۆکێ حکومەتا ئیراقێ محەمەد شیاع سوودانی راگەهاند، ب هەلکەفتا رۆژا نیشتیمانی و سەربخۆییا ئیراقێ، سەرۆکێ حکومەتێ فەرماندا کو 3ی چریا ئێکێ ئانکو رۆژا پێنجشەمبیێ ببیتە بێهنڤەدانا فەرمی.
د درێژاهیا راگەهاندنا خۆ دا نڤیسینگەها راگەهاندنا سەرۆکێ حکومەتێ گۆتیە؛ وەکی هەڤسۆزیەک بۆ رەوشا لوبنان و فلستینێ بریار هاتیە دان کو چ ئاهەنگ و چالاکیان ساز نەکەن.
3ی چریا ئێکێ یا سالا 1932ێ وەکی رۆژا دامەزراندنا کۆمارا ئیراقێ دهێتە زانین و هەمی سالان ب ڤێ هەلکەفتێ ل پارێزگەهێن ئیراقێ ئاهەنگ دهێنەگێران و دبیتە بێهنڤەدانا فەرمی لێ ژ بەر رەوشا ئالۆز یا لوبنان و فلستینێ، ئەڤ سالە بریار هاتە دان کو چ چالاکی و ئاهەنگ نەهێنە گێران. هەتا نوکە ب فەرمی ناهێتە زانین کا ئەڤ بێهنڤەدانە دێ ژ هەرێما کوردستانێ گریت ئان ژی نە.
