گاڤ

وەزیرێ داد یێ تورکیا راگەهاند؛ د دۆسەیا کۆشتنا نارین گورانا هەشت سالی دا ئەو گەهشتینە دویماهییا لێکۆلینان و ل دەمەکێ نێزیک دێ زانیارییان بۆ رایا گشتی راگەهینن.

یەلماز تۆنج، بو مەدیایێن تورکیا راگەهاند؛ لێکۆلین ب ئاوایەکێ ڤەشارتی ب رێڤەچوون و سەرۆکاتییا داواکارییا گشتی کارەکێ چر و پر ژ پێخەمەت ئاشکراکرنا بکۆژان دکەت و بێ دو دلی دێ هێنە دیار کرن و ئەو گەهشتینە دویماهییا لێکۆلینان.

دا زانین ژی: هەر دەما کار ب دروستی ب رێڤەچوون و تۆمەتبار هاتنە دیارکرن کو لێکۆلین گەهشتیینە دویماهیێ ئەو دێ ل دەمەکێ نێزیک زانیارییان بۆ رایا گشتی راگەهینن.

نارین گۆران ل 21ی مەها تەباخێ ل گۆندەکێ سەر ب ئامەدێ ڤە بەرزەبوو، پشتی 19 رۆژان تەرمێ وێ دو کیلۆمەتران ل نێزیکی مالا وێ هاتبوو دیتن، تا نوکە 12 کەس د دۆسەیا کۆشتنا وێ دا فەرمانا گرتنێ بۆ دەرکەفتییە کو دەیک و دو برا و دو مامێن وێ ژی د ناڤ دا نە.