گاڤ

د روویدانەکا هاتنووچونێ دا ل پارێزگەها سیستان بەلوجستان ل ئیرانێ 11 کەسان ژیانا خۆ ژ دەست دا و 14 کەسێن دی ژی برینداربوون.

ئاژانسا مێهر، ژ زارێ رێڤەبەرێ هەیڤا سوورا سیسیان بەلوجستانێ راگەهاند؛ روویدان ئەڤرۆ د ناڤبەرا باژارێن سەراوان و کوهەک ل پارێزگەها سیستان بەلوجستانێ ل باشۆرێ رۆژهەلاتێ ئیرانێ چێبوویە، بارهەلگرێ 23 سەرنشین تێدابوون کو خەلکێ ئەفغانستانێ بوون 11 د روویدانێ دا مرینە.

رێڤەبەرێ هەیڤا سوورا سیسیان بەلوجستانێ گۆت ژی؛ 12 سەرنشینێن دی ل گەل دو کەسێن دی کو ب رەگەز ئیرانی بوون د ناڤا تانکەری دا برینداربوویە و ژبۆ نەخۆشخانەیێ هاتینە رەوانەکرن.

  دوهی ژی 15 ئەفغانی د رویبارەکێ دا ل پارێزگەها کرمان ژ بەر درووستبوونا لافاوان خەندقی بوون و ژیانا خو ژدەست دابوو.