گاڤ

سوپایێ ئسرائیلێ د راگەهاندنەکێ دا گۆت؛ ئیرانێ ب مۆشەکێن بالیستی هێرشی ئسرائیلێ کر و ل تەلئەڤیڤێ کوشتی و بریندار هەنە. دیسان داخوازێ ژ وەلاتییان دکەت کو د پەناگەهێن خۆ دا بمینن.

سوپایێ پاسداران ژی راگەهاندیە؛ مە ب دەهان مۆشەک ئاراستەی ئسرائیلێ کرینە و ئەڤە بەرسڤە بۆ 'شەهیدبوونا ئسماعیل هەنییە، حەسەن نەسروللا و عەباس نیلفۆشانی' دیسان گۆتیە؛ 'ئەگەر رژێما زایۆنی کارڤەدان هەبیت، دێ رویبروی هێرشێن توند بیت'.

کەنالێ دەمێ ئسرائیلێ ژی گۆتیە؛ ب سەدان مۆشەکێن ئیرانێ گەهشتنە ئەسمانێ ئسرائیلێ و سیستەمێ بەرگریێ وان تێکدشینیت و زەنگا ئاگەهدارکرنێ ل سەرانسەری ئسرائیلێ دهێتە لێدان.

جۆ بایدنی، سەرۆکێ ئەمریکا ژی د ئێکەم کارڤەدانا خۆ دا راگەهاند؛ ئەم بۆ پشتەڤانیا ئسرائیلێ و بەرسڤدانا هێرشێن ئیرانێ دبەرهەڤین.