جومانه گلایى، په‌یڤدارا كۆمسیۆنێ بۆ گاڤ: رۆژنامه‌ڤانان بتنێ ماف هه‌یه ل بنگه‌هێن رێپێدایى رۆمالێ بكه‌ن
بەلاڤ بکە
گاڤ
كۆمسیۆنا هه‌لبژارتنێن ئیراقێ بۆ گاڤ راگه‌هاند، رۆژنامه‌ڤانان بتنێ ماف هه‌یه ل بنگه‌هێن رێپێدایى رۆمالێ بكه‌ن.
جومانه گلایى، په‌یڤدارا كۆمسیۆنا هه‌لبژارتنان ل ئیراقێ بۆ گاڤ گۆت: رۆژنامه‌ڤانان بتنێ ماف ل وان بنگه‌هان هه‌یه یێن رێپێدایى رۆمالا هه‌لبژارتنێن په‌ڕله‌مانێ كوردستانێ بكه‌ن و رێكخه‌رى و رێڤه‌به‌رێ وه‌ستگه‌هێ ماف هه‌یه رۆژنامه‌ڤانان ژ بنگه‌هان ده‌ربێخن ئه‌گه‌ر هات و سه‌رپێچییا رێنمایان كر.
جارا ئێكێ یه هه‌لبژارتنێن په‌ڕله‌مانێ كوردستانێ ب سیسته‌مێ ئه‌لكترۆنى و كارتا بایۆمه‌ترى دهێنه‌كرن و كۆمسیۆنا هه‌لبژارتنێن ئیراقێ سه‌رپه‌رشتیێ دكه‌ت.
بۆ هه‌لبژارتنێن په‌ڕله‌مانێ كوردستانێ هزار و 191 كه‌سان خۆ به‌ربژاركریه كو 823 زه‌لام و 368 ژى ژنن و دێ هه‌ڤڕكیێ ل سه‌ر بده‌سختسنا 100 كوڕسیێن په‌ڕله‌مانى كه‌ن.
ل 20-10-2024ێ گه‌ڕا شه‌شێ یا هه‌لبژارتنێنن په‌ڕله‌مانێ كوردستانێ دێ هێنه‌كرن و كۆمسیۆنێ 173 تیمێن چاڤدێریێ ل هه‌رێما كرودستانێ پێكئیناینه بۆ تۆماركرنا سه‌رپێچییان.
پێشتر كۆمسیۆنا بلندا هه‌لبژارتنان ل ئیراقێ بۆ گاڤ راگه‌هاند، بۆ هه‌لبژارتنێن په‌ڕله‌مانێ كوردستانێ سێ رۆژان ب فه‌رمى بێهنڤه‌دانا فه‌رمى یه.
