گاڤ

سەرۆکێ دیوانا جڤاتا وەزیرێن هەرێما کوردستانێ رگەهاند: ل دەمەکێ نێزیک ئەو پشکا پارەییێ مووچەی یا بەغدایێ نەهنارتی، دێ هێتە هنارتن و ژبلی مووچەیێ مەها تەباخێ، مووچەیێ ئیلۆنێ ژی دێ هێتە دان.

ئومێد سەباح، سەرۆکێ دیوانا جڤاتا وەزیرێن هەرێما کوردستانێ ئەڤرۆ د کۆنگرەیەکێ رۆژنامەڤانی دا راگەهاند: هەرچەندە بەغدایێ 755 ملیار دینار بۆ مووچەیێن مەها تەباخێ بۆ هەرێما کوردستانێ هنارتینە، لێ ئەو پارە تێرا مووچەیان ناکەت و 245 ملیار دکێمن.

دەربارەی ئەو 245 ملیارێن ماین و مووچەیێ مەها ئیلۆنێ، ئومێد سەباحی گۆت: شاندەکا حکومەتا هەرێما کوردستانێ ل بەغدایێ یە، چ کێشە د رێ دا نینن و ل دەمەکێ نێزیک بەغدا دێ ئەو 245 ملیارێ دینارێن ماین و مووچەیێ مەها ئیلۆنێ ژی هنێریت.