گاڤ

نەتەوەیێن ئێکگرتی راگەهاند، دەولەت و ئالیێن پشکدار د پرۆگرامێ پاراستنا ژینگەهێدا، سۆزێن خۆ یێن 'کێمکرنا کاربۆنی هەتا سالا 2030ێ' ب جهـ نائینن و ئەگەر بجهـ ژی بینن، بلندبوونا پلەیێن گەرمیێ بتنێ دشێت بهێتە سنۆردارکرن بۆ C2.6 بۆ 2.8C کو هێشتا رەوشەکا کارەساتبارە.

نەتەوەیێن ئێکگرتی راپۆرتا خۆ یا بەرنامەیێ ژینگەهی بەلاڤکر و تێدا دیار دکەت، ئارمانجا ناڤدەولەتی ئەوە کو پلەیا گەرمی د ئاستێ  C1.5 بهێلیت، لێ دڤێت سالانە دەردانا گازا ژەهراوی ب رێژەیا 7.5٪ کێم ببیت هەتا سالا 2035ێ. دڤێت وەلات هەمی پابەندی کێمکرنا 42٪ یا دەردانا گازا گەرمخانەیی ببن، هەتا سالا 2030ێ، لێ وەلات پابەند نینن و ئەڤە ژی یا ب مەترسیە ل سەر پاشەرۆژا مرۆڤایەتیێ.

ئەنتۆنیۆ گۆتێرێس: سکرتێرێ گشتی یێ نەتەوەیێن ئێکگرتی، دبێژیت، ئەم یاریان ب ئاگری دکەین، و نزانین کا چەند دەمەکێ کێم ل بەردەستە دا خۆ رزگار بکەین. دیسان گۆت گەرمبوونا جیهانێ دێ باهۆزێن ئەهریمەنی هار کەت، لافاوێن ئنجیلی ب سەر مە دا ئینیت و دارستانان کەتە سندۆقا ئاگری و باژاران کەتە ساونا. دیار ژی کر؛ ئەگەر باج ل سەر سۆتەمەنییا بەردینی بهێتە بلندکرن، دێ دشیاندا بیت ل سەر رەوشێ زال بین.