گاڤ
ئه‌ڤرۆ به‌رى نیڤرۆ سه‌رۆك نێچیرڤان بارزانى، ل گه‌ل جانێت ئالبێردا، بالیۆزا نوى یا هۆله‌ندا ل ئیراقێ كۆمبوو، نێچیرڤان بارزانى هیڤییا سه‌ركه‌فتنێ بۆ وێ د كارێ وێ یێ نوى دا خواست.

د كۆمبوونێ دا زێده‌بارى پیرۆزباهیێ بۆ ده‌ستبكاربوونا وێ، سه‌رۆك نێچیرڤان بارزانى هیڤییا سه‌ركه‌فتنێ ژى بۆ خواست و هه‌موو پشته‌ڤانییا خۆ و ئالیێن په‌یوه‌ندیدار بۆ سه‌رخستنا وێ د كارێ وێ دا دوپاتكرن.

ژ ئالیێ خۆڤه‌ ئالبێردا خۆشحالییا خۆ ب سه‌ره‌دان و ده‌ستبكاربوونا وێ ل ئیراقێ نیشان دا و هه‌روه‌سا پیرۆزباهییا سه‌ركه‌فتنا هه‌لبژارتنان ژى ل سه‌رۆك نێچیرڤان بارزانى و گه‌لێ كوردستانێ كر.

هه‌ر دو ئالییان دوپاتى ل به‌ره‌ف پێشبرنا په‌یوه‌ندیین ناڤبه‌را ئیراق و هه‌رێما كوردستانێ كر و خواستن ئه‌و په‌یوه‌ندى به‌فره‌هتر ببن و هاریكارییا هه‌ڤپشك د ناڤبه‌را وان دا زێده‌تر بیت و به‌حس ل رۆلێ هۆله‌ندا د شه‌ڕێ ل دژى داعشێ و هاریكارییا وێ بۆ ئیراق و هه‌رێما كوردستانێ ژى بلند هاته‌ نرخاندن.