تەنیا کوردی

د دیدارا مێری دا گەهشتمە تێگەهشتنەکا نوی بۆ قووناغەکا نوی ل هەرێمێ، ژ ئاخفتنێن سەرۆک نێچیرڤان بارزانی، سەرۆکێ هەرێما کوردستانێ گەهشتمە وێ تێگەهشتنێ کو دیوارێن قەیرانێ د بلند نینن.

من ئەڤ چیرۆکە خواندیە دەمێ گەل گاڤان بۆ باشترکرنا پاشەرۆژێ دهاڤێژن، ئەڤە هەمان ئەو چیرۆکە کو بەری 60 سالان ل کۆریا باشۆر هەبوو، هەمان ئەو چیرۆکە کو بەری 50 سالان ل سەنگاپۆر هەبوو، هەمان ئەو چیرۆکە کو بەری 30 سالان ل رواندا هەبوو. مە ژی چیرۆکەکا ب ڤی رەنگی د ڤان سێ سالێن بۆری دا هەیە.

چیرۆکا گەلەکی کو سێ دیواران د هەرفینیت:

-دیوارێ ترسێ

-دیوارێ گۆمانێ

-دیوارێ دابەشبوونێ

ل کۆریا، پارک چۆنگ – هی د کرە گازی "ئەم دێ کەین".

ل سەنگاپۆر، لی کوان یۆ د کرە گازی "مێشکێ مە سەرمایێ مەیە".

ل رواندا، پۆل کاگامی د کرە گازی "یان دێ پێکڤە ژین، یان دێ پێکڤە مرین".

ل ڤێرێ ژی کو کاراکتەرەکی چیرۆکا بونیاتنان د ئاڤەدانی و دپلۆماسی و گەشەکرنێ دا هەیە، ئەو ژی سەرۆک نێچیرڤان بارزانی یە، ئەم دەنگەکێ نویتر پشتی هەلبژارتنان بۆ قووناغەکا نوی یا هەرێمێ گوهـ لێ دبین.

دا بەرێ خۆ بدەینە مێژوویێ:

هەرێما کوردستانێ قووناغا ئێکێ دەربازکر 1991 – 2003

دیوارێ ترسێ هەرفاند.

هەر وەکو کۆریا ل سالێن 1961 – 1970 هەرفاندی

هەر وەکو سەنگاپۆر ل سالێن 1965 – 1975 هەرفاندی

هەرێما کوردستانێ قووناغا دویێ دەربازکر 2003 – 2023

دیوارێ گۆمانێ هەرفاند.

هەر وەکو کۆریا ل سالێن 1970 – 1980 هەرفاندی

هەر وەکو سەنگاپۆر ل سالێن 1975 – 1985 هەرفاندی

نوکە ل هەمبەر قووناغا سیێ نە.

نەهێلانا دیوارێ دابەشبوونێ.

هەر وەکو کۆریا ل سالێن 1980 – 1990 نەهێلایی

هەر وەکو سەنگاپۆر ل سالێن 1985 – 1995 نەهێلایی

پشتی ڤێ دێ چ هێت؟

کۆریا سامسۆنگ و هیوندا چێکرن.

سەنگاپۆر بوو ناڤەندا داهێنانێ یا جیهانی.

ئەرێ کوردستان؟

هەلگرێ خەلاتێ نۆبل جۆزێف ستیگلیتز دبێژیت "چ وەلات ژ ئەگەرێ ئابۆری شکەستنێ نائینن".

ب ڤی رەنگی هەرێم دشێت د ڤێ قووناغێ دا بهێزتربیت:

دەمێ خەلک ژ ترسا شکەستنێ بهێزتردبن.

دەمێ سەرکردە ژ گۆمانێن پێشتر فێردبن.

دەمێ کۆمەلگە ژ دابەشبوونێ دەربازبن.

دەمێ سەرۆکێ هەرێمێ هیڤی ب گەنج و گەلی هەبن کو د بەرهەڤبن بۆ قووناغەکا نوی گاڤان بهاڤێژن، ئەڤە ئەو هیڤیە کو موعجیزەیا ئابۆری و پێشکەفتن و سەقامگیریا پتر بۆ پاشەرۆژا هەرێما کوردستانێ ژێ دهێتە دیتن.