نویترین دەرکەفتنا سیستانی
بەلاڤ بکە
گاڤ
د نویترین دەرکەفتن دا، ئایەتوللا عەلی سیستانی ئەڤرۆ پێشوازی ل نوینەرێ تایبەت یێ سکرتێرێ گشتی یێ نەتەوەیێن ئێکگرتی کر و هەردو ئالییان چەندین تەوەرێن گرێدایی ئیراقێ و دەڤەرێ گۆتوبێژ کرن.
ئایەتوللا عەلی سیستانی، مەرجەع و رابەرێ شیعەیان ئەڤرۆ پێشوازی ل محەمەد ئەلحەسان، نوینەرێ تایبەت یێ سکرتێرێ گشتی یێ نەتەوەیێن ئێکگرتی ل ئیراقێ کر و سیستانی د وێ کۆمبوونێ دا پێشوازی ل رۆلێ نەتەوەیێن ئێکگرتی ل ئیراقێ کر و داخواز کر: ئیراقی سەربۆران ژ دیرۆکێ وەربگرن و یا د شیانێن وان دا بیت بکەن داکو پاشەرۆژەکا ئارام و سەقامگیر بۆ ئیراقێ دابین بکەن.
نوینەرێ تایبەت یێ سکرتێرێ گشتی یێ نەتەوەیێن ئێکگرتی خۆشحالییا خۆ ب دیدارا سیستانی دەربڕی و پشتی کۆمبوونێ راگەهاند: سیستانی پێگەهەکێ مەزن د جیهانا ئیسلامی و جیهانێ دا هەیە و ئەو ل گەل سیستانی رێک کەفتینە کو کارێ هەڤپشک بکەن.
ئایەتوللا عەلی سیستانی، نوکە د ژییێ 94 سالییێ دایە و بلندترین مەرجەعێ شیعەیانە کو تا نوکە یێ ساخ.
