گاڤ

ئەمریکا ژ حکومەتا ئیراقێ خواست سەرباز و کارمەندێن وان ژ ئەوان هێڕشان ب پارێزن یێن ل ئیراق و سووریێ دهێنە کرن.

ماتیۆ میلەر، پەیڤدارێ وەزارتا دەرڤە یا ئەمریکا د بەیانەکێ دا راگەهاند، ئەنتۆنی بلینکن، وەزیرێ دەرڤە یێ ئەمریکا و محەمەد شیاع سوودانی، ب تێلەفۆنێ ئاخفتن و شەرێ غەززە و هێرشێن ئسرائیل و حزبوللا بەحس کرن و هەردو ئالی ب هەڤرابوون هێرشێن سەر غەززە بهێنە راوەستاندن و بارمتە بهێنە ئازادکرن.

دەربارەی هێزێن ئەمریکا ل ئیراقێ ژی، وەزارەتا دەرڤە یا ئەمریکا راگەهاند؛ بلینکن داخواز ژ سوودانی کر پێگیرییا خۆ بۆ پاراستنا سەرباز و کارمەندێن ئەمریکا بجهبینیت و هەروەسا رێکاران ل دژی ئەوان بگریتە بەر یێن بەرپرس ژ هێرشێن سەر هێزێن وان ل ئیراق و سووریێ د ناڤا وان دا میلیشیایێن نێزیکی ئیرانێ.