مه‌زلۆم عه‌بدى: دخوازین پێكڤه كاركرنا مه و ئه‌مریكا به‌رده‌وام بیت
بەلاڤ بکە
گاڤ
مه‌زلۆم عه‌بدى فه‌رمانده‌یێ گشتى یێ هێزێن سووریا دیمۆكراتی پیرۆزباهی ل (دۆنالد تره‌مپ) سه‌رۆكێ نوى یێ ئه‌مریكا كر و هیڤیى خواست پێكڤه كاركرنا وان وه‌كى به‌رى نها دگه‌ل ئه‌مریكا به‌رده‌وام بیت.
مه‌زلۆم عه‌بدى ئه‌ڤرۆ رۆژا چارشه‌مبى د په‌یامه‌كێ دا راگه‌هاند، ئه‌و چاڤه‌رێى پێكڤه كاركرنێ دكه‌ت وه‌كى د رابۆرى دا پێكڤه كاركرى، ئاماده‌نه بۆ بهێزكرنا هه‌ڤپشكیا خۆ و دابینكرنا سه‌قامگیریێ بۆ ده‌ڤه‌رێ.
واشنتۆن هێزێن سووریا دیمۆكراتى كو ژلایێ كوردان ڤه سه‌ركرداتیا وان دهێته كرن، ب هه‌ڤپه‌یمانه‌كا گرنگ د شه‌ڕێ داعشێ دزانیت و پشته‌ڤانیا راهێنان و هه‌والگرى و سه‌ربازى لێ دكه‌ت.
د نها دا نێزیكى هزار سه‌ربازێن ئه‌مریكى ل سووریێ هه‌نه ل ده‌ڤه‌رێن ژێر ده‌ستهه‌لاتا كوردان، لسه‌ر ده‌مێ سه‌رۆكاتیا به‌رى نها یا ترامپى بڕیارل ڤه‌كێشانا هێزێن خۆ ژ سووریێ دابوو، لێ پشتى كارڤه‌دانان ئه‌و بڕیار هه‌لوه‌شاند.
