گاڤ

مقاوه‌ما ئیسلامى ل ئیراقێ راگه‌هاند، مه‌ ئه‌ڤرۆ هێرشه‌ك ل سه‌ر ئسرائیلێ كر، هێرشا مقاوه‌مێ هه‌ڤده‌مى كۆمبوونا شڤێدى یا هه‌ڤپه‌یمانییا چارچۆڤێ ده‌وله‌تێ یه كو راگه‌هاندبوو، رێ ناهێته‌ دان چ گرۆپ ژ ئیراقێ هێرشان ل سه‌ر چ وه‌لاتان بكه‌ن.

مقاوه‌ما ئیسلامى ل ئیراقێ دبێژیت: ئه‌ڤرۆ سپێدێ مه‌ هێرشه‌كا سه‌ربازى ب رێكا درۆنه‌كێ ل سه‌ر ئسرائیلێ كریه‌ و دوپاتكر، هێرش دێ د به‌رده‌وام بن، هه‌ڤده‌م شڤێدى هه‌ڤپه‌یمانییا ئیداره‌یا ده‌وله‌تێ كو پترییا سه‌ركرده‌یێن شیعه‌یان د ناڤ دانه‌ و هنده‌ك ژ وان گرۆپێن میلیشایان ژى ب رێڤه‌ دبه‌ن كۆمبوون و د راگه‌هاندنه‌كێ دا دیاركریه‌، ئسرائیل بزاڤا به‌رفره‌هكرنا شه‌ڕى دكه‌ت و رێ ناهێته‌ دان چ گرۆپ ژ ئیراقێ هێرشان چ وه‌لاتان بكه‌ن.

مقاوه‌ما ئیسلامى ب به‌رده‌وامى هێرشان ل سه‌ر ئسرائیلێ دكه‌ت، تا نوكه‌ ئسرائیلێ ب ئاشكرایى هێرش ل سه‌ر وان گرۆپان نه‌كریه‌، لێ هێرش چاڤه‌ڕێكریه‌.