گاڤ

سەرۆکایەتییا جڤاتا وەزیران 30 رۆژێن دی ل ژیێ وەرزێ یاسادانانێ درێژکرن کو بریاربوو رۆژا شەمبیێ ب دویماهی بهێت.

محەمەد خەفاجی، ئەندامێ لژنا یاسایی یا پەرلەمانێ ئیراقێ راگەهاند، ل دویڤ بنەمایێ ماددەیێ 58 یێ  دستوورێ ئیراقێ، وەرزێ یاسادانانێ بۆ ماوەیێ 30 رۆژان هاتە درێژکرن.

هەروەسا دیارکریە، درێژکرنا ماوەیێ هەیڤەکێ ژ وەرزێ یاساداناێ بۆ وێ چەندێیە کو، کارێ پەرلەمانی بهێتە رێکخستن و ئەو پرۆژەیاسایێن چەندین کۆمبوون ل سەر هاتینەکرن و نەبووینە یاسا، بکەڤنە د کارنامەیا کۆمبوونێن پەرلەمانیدا و دەنگ ل سەر بهێتەدان.

 هەروەسا ئەو ژی دیارکریە، ئەڤ چەندە دێ بیتە دەرفەتەک بۆ هندێ کو بەری دویماهیا سالا 2024ێ، پرۆژەیاسایا بۆدجەیێ گشتی یێ سالا 2025ێ بۆ پەرلەمانی بهێتە رەوانەکرن.