یانەیا زاخۆ ب 15 ملیۆن دیناران هاتە سزادان
11/08/2024 - 17:28
بەلاڤ بکە
گاڤ
ژ ئەگەرێ نمایشا بەری یاریا دێربیا بەهدینان، ئێکەتیا فۆتبۆلا ئیراقێ یانەیا زاخۆ ب 15 ملیۆن دیناران سزادا.
ژێدەرەکی ژ کارگێریا یانەیا زاخۆ بۆ گاڤ گۆت: پشتی ئەو نمایشا بەری یاریا دێربیا بەهدینان یا د ناڤەبەرا هەردو یانەیێن زاخۆ و دهۆکێ دا کو بوویە جهێ دلگرانیا پشتەڤانێن یانەیا دهۆکێ، ئێکەتیا فۆتبۆلا ئیراقێ یانەیا زاخۆ ب 15 ملیۆن دیناران سزادا.
پێشتر یانەیا دهۆکێ نەرازیبووینا خۆ ژ وێ نمایشێ دیارکربوو و کارگێریا یانەیا زاخۆ ژی داخوازا لێبوورینێ کربوو و دوپاتکربوو کو بێی هایداریا وان ئەو چالاکیە هاتبووکرن.
