گاڤ

وەزیرێ دەرڤە یێ ئیراقێ د پەیوەندییەکا تەلەفۆنی دا دەستخۆشی ل هونەرمەندێ بەرنیاس کازم ساهری کر.

دوهی هونەرمەندێ ئیراقی کازم ساهری کۆنسێرتەک ل باژێڕێ ریاز پایتەختێ سعوودییێ هەبوو.

د. فوئاد حسێن، وەزیرێ دەرڤە یێ ئیراقێ ل تۆرا جڤاکی یا ئێکس راگەهاند: وی پشتی ئاهەنگا ریازێ، پەیوەندی ب هونەرمەندێ مەزن کازم ساهری کرییە و دەستخۆشی لێ کرییە و گۆتییێ "تە سەرێ ئیراقێ بلند کر".

وەزیرێ دەرڤە یێ ئیراقێ د پۆستێ خۆ دا نڤیسییە ژی: هونەر و کلتوور پشکەکا گرنگن ژ هێزا نەرم و دپلۆماسیەتێ د سیاسەتا دەرڤە یا هەر وەلاتەکی دا.