گاڤ

ئەڤرۆ ل باکۆرێ باژێڕێ ناسرییێ ل باشۆرێ ئیراقێ سەرا پۆستەکێ فەیسبۆکی کێشە د ناڤبەرا دو بنەمالان دا چێبوو و شەش کەس بوونە قوربانی.

مەدیایێن ئیراقی ل گۆرەی هندەک ژێدەران ژ هێزێن ئێمناهییێ ل باژێڕێ ناسرییێ سەنتەرێ پارێزگەها زی قار راگەهاند: ل گوندەکێ سەر ب ناسرییێ ڤە سەرا پۆستەکێ فەیسبۆکی شەڕ و تەقە د ناڤبەرا دو بنەمالان دا چێبوویە، کەسەک هاتییە کوشتن و پێنج کەسێن دی برینداربووینە.

ژێدەر هەروەسا ئاماژێ ددەن: د شەڕی دا چەکێن سڤک و گران هاتینە بکارئینان و ژمارەیەکا قوتابییان ژبەر شەڕی د قوتابخانێ ڤە ئاسێ ببوون.

ژێدەران ئاماژە نەدایە وی پۆستێ فەیسبۆکی و ناڤەرۆکا ئەگەرێ چێبوونا شەڕی، لێ دوپات دکەن کو هێزێن ئێمناهییێ گەهشتینە وی گوندی و رەوش هاتییە کونترۆلکرن.