ئیرانێ سزایێ سێداره‌دانێ بۆ كچا كورد "وەریشە مورادی" ده‌ركر
بەلاڤ بکە
گاڤ
دادگه‌ها ئینقیلابا ئیسلامی ل ته‌هرانا پایته‌خت سزایێ سێداره‌دانێ بۆ كچا كورد یا چالاك (وەریشە مورادی) كو ل سالا بۆرى ل باژێرێ(سنه) یێ رۆژهه‌لاتێ كوردستنانێ هاتبوو ده‌سته‌سه‌ركرن، ده‌ركر بێى كو مافێ خۆپاراستنێ بده‌نێ.
تۆڕا مافێن مرۆڤى یا كوردستانێ د نووچه‌یه‌كێ پشتڕاستكرى دا راگه‌هاند، دادگه‌هكرنا ڤێ زیندانیا سیاسى یا كورد د ده‌مه‌كى دا برێڤه چوویه، رێك پێ نه‌هاتیه دان به‌رگریێ ژ خۆ بكه‌ت.
ل گۆره‌ى وێ سازیا مافێ مرۆڤى، ژ ده‌مێ ده‌سته‌سه‌ركرنا وێ كچا كورد تا دویماهیا پرۆسه‌یا ڤه‌كۆلینێ، ژ مافێ پاراستنێ هاتیه بێبه‌هركرن و نه‌هێلایه پارێزه هه‌بیت، پشتى ده‌رچوونا تۆمه‌تێن لسه‌ر هاتینه سه‌پاندن ژ نوى ماف دایێ پارێزه‌ر هه‌بیت.
وه‌ریشه مورادى ل ئێكى هه‌یڤا ته‌باخا بۆرى ل باژێرێ سنه یێ رۆژهه‌لاتێ كوردستانێ هاته ده‌سته‌سه‌ركرن و ب ده‌ستبسه‌رى بۆ زیندانا ئێڤین یا ته‌هرانێ هاته ڤه‌گوهاستن، 5 هه‌یڤان د ژرۆا تاكه‌كه‌سیڤه هاته ئه‌شكه‌نجه‌دان و پشتى دانپێدان پێ داینه‌كرن بۆ ره‌خێ ژنان هاتیه ڤه‌گوهاستن.
