مه ب فه‌رمى ژ سه‌رۆكێ حكومه‌تێ خواستیه پارچه‌زه‌ڤى ب رۆژنامه‌ڤانان ژى بهێنه دان
بەلاڤ بکە
گاڤ
نەقیبێ سەندیکا ڕۆژنامەنڤیسێن کوردستانێ راگه‌هاند، وان ب نڤیساره‌كا فه‌رمى داخواز ژ سه‌رۆكێ حكومه‌تا هه‌رێما كوردستانێ مه‌سروور بارزانى كرى یه وه‌كى فه‌رمانبه‌ران پارچه زه‌ڤى ب رۆژنامه‌ڤانان ژى بهێنه دان و خواست حكومه‌تا ب ئه‌رێنى به‌رسڤا وان بده‌ت.
حاکم ئازاد حەمەدەمین، نەقیبێ سەندیکا ڕۆژنامەنڤیسێن کوردستانێ، بۆ مالپەڕێ فەرمییێ پارتی دیمۆکراتی کوردستان راگه‌هاند، ل گۆره‌ى یاسایا ژمار‌ه ٣٥ یا رۆژنامه‌گه‌ریێ یا سالا ٢٠٠٧ێ پێدڤییه وه‌كى فه‌رمانبه‌ران سه‌ره‌ده‌رى دگه‌ل رۆژنامه‌ڤانان بهێته‌كرن. خواست ژى حكومه‌تا هه‌رێمێ چاڤخشاندنێ د ره‌وشا رۆژنامه‌ڤانان دا بكه‌ت، ره‌وشا خراب یا ژیانا وان لبه‌رچاڤ بهێته وهرگرتن و پارچه زه‌ڤى ب وان ژى بهێنه دان.
نەقیبێ سەندیکا ڕۆژنامەنڤیسێن کوردستانێ دیاركر، رۆژنامه‌ڤانان رۆله‌كێ گرنگ د ژیانانا سیاسى، جڤاكى و ئابۆرى دا ل كوردستانێ هه‌یه.
دیاركر ژى، هنده‌ك ژ رۆژنامه‌ڤانێن دهۆكێ كو پێشتر ره‌زامه‌ندى هه‌بوو پارچه زه‌ڤیێن خۆ وهرگرتن، خواست ل گۆره‌ى خالبه‌ندیێ پارچه زه‌ڤى ب رۆژنامه‌ڤانێن دى ژى بهێنه دان.
حه‌مه‌د ئه‌مین خواست ژى، حكومه‌تا هه‌رێمێ ب ئه‌رێنى به‌رسڤا وان بده‌ت داكو رۆژنامه‌ڤان ژى ژ وه‌رگرتنا پارچه زه‌ڤیان مفادار ببن.
